امتنان
بما اننا بدأنا عام دراسي جديد و دا يعتبر العام السادس ليا في كلية الهندسة و لكن ليس الاخير
ممتنه جداً لكل تأخير حصل
ممتنه للظروف
ممتنه للتأخير اللي كان سبب في فرص احسن ليا
ممتنه للتأخير اللي خلاني اعرف ناس اصبحوا الاقرب لقلبي
ممتنه للتأخير اللي برغم كسرتوا ليا بس قواني و خلاني متأكده من اللي انا عايزاه
ممتنه للتأخير اللي عمري ما اعتبرته دليل علي الفشل زي ما بيشوفوا البعض
ممتنه لنجاحي في شتى مجالات حياتي يرغم من تأخيري الدراسي
ممتنه لكل دكتور و معيد بيقدروا ظروفي
و ممتنه لكل دكتور بيحكم عليا بالفشل لمجرد اني تعسرت في دراستي
ممتنه لكل الناس اللي حواليا و بيدعموني و بيشجعوني
ممتنه اني قادره احافظ على صحتي النفسية و العقلية برغم كل دا
و ممتنه لنفسي اني قادرة ابقى طالبة و ام و اخت و نفسي و بحاول ابقى احسن
ممتنه اني بحاول اتعلم حاجه جديدة كل يوم
ممتنه ان برغم الاحباط برجع اآمن بنفسي تاني
ممتنة اني بقيت السنة دي Miss Egypt Congeniality علشان دا بيدل على حب الناس ليا
ممتنه لوقعتي على المسرح و اني قمت سقفت لنفسي
زي ما كل ما بقع في الحياة بقوم و بكمل
ممتنه اني رجعت كتبت حاجه تاني
Comments
Post a Comment